مشاكل #3

من مشاكلي اني بسيب المهم اللي ورايا و أركز قوي في حاجات تانية ولا ليها أي لازمة
و بعدها لما أتزنق في الوقت أحس ان ده كان غلطي من اﻷول و بتاع فأحاول أركز بس الدنيا تتقفل في وشي بس باردو لازم أشتغل بقى مش كفاية الوقت اللي ضيغته؟ عايزة أضيع وقت تاني؟
ممكن ألحق نفسي على آخر لحظة الحمد لله (أو اسمها ربنا يخليني ألحق نفسي) و ساعات أضيع يا وديع.
المهم بقى اني قال ايه بقول ﻷ بجد بعد كده لازم أخد بالي مش معقول بقى كده بجد
المهم طبعا و لا كأني قلت حاجة ما شاء الله عليا P: ربنا يزيد و يبارك هههههه p:
بس فعلا يعني حقيقي محتاجة أحط الموضوع في دماغي مش صح اللي بعمله في نفسي ده بجد :/

يا ريت يا جماحححة تبقوا تفكروني كده لو لقيتوني في عالم تاني.....فاتحة التليفزيون و أنا أصلا عندي امتحان....ولا قاعدة ماسكة الموبايل و ورايا مليون حاجة أعملها.

تنظيم الوقت ده بجد مهم....و الوقت ده بجد نعمة أنا و غيري بنفرط فيها
بس مش معنى ان غيري ضايع أضيع انا كمان
يلا فوقي يا رُبا مش معقوووول بقى.
سي يو ان الجزء الرابع ؛)
السلام عليكم ورحمة الله وبركاته