صفات

أوقات كتير....أي حاجة تزيد عن حدها فعلا فعلا ممكن تتقلب لضدها

يعني في حد كان أول ما الناس عرفوه كان بيرغي معاهم و متعود عليهم و كده...فا كان باين انه شخص اجتماعي و لذيذ.....بس لما كلامه زااد أوي و بقى أكثر من الطبيعي الناس بدأت تبقى مش طايقاه
في حد هزاره فعلا لطيف و بيخلي الجميع يضحك من قلبه....بس لما بيزودها لدرجة أننا بنحس النكتة ما لهاش طعم و انها fake بيبقى الموضوع سئيل
و ده  يمكن يكون ﻷن كلا منهما اكتشف الميزة اللي فيه و بقى بيتمادى في فعلها أو أصلا بيفتعلها و الكل بيشعر أنها مصطنعة ما بقتش حلوة زي اﻷول
أو ممكن يكون عشان ده طبيعة الشخص و ما حدش وعاه من الخطأ ده قبل كده
عشان كده يفضل لما تلاقي حد بيعمل حاجة غلط....لو تقدر تقول له...يبقى كتر خيرك يا فندم

الفكرة...ان أي صفة بتكون كويسة
أول ما تزيد عن الحد الطبيعي او أول ما الصفة تستعمل في أي شر
خلاص ما بتكونش كويسة و بتكره الناس في الشخص

المهم ان الحاجة الوحيدة اللي ما لهاش حدود و يا ريييت اننا نتمادى و نزود فيها....هي الطاعة
المشكلة ان دي الحاجة الوحيدة اللي بتكاسل و كلنا بتتكاسل في تحسينها أو كده

المهم ان الكلام فينا و محتاجين ننفذه بقى و ربنا يهدينا...قولوا آمين p:

يقال أن اللي محتاجة ال "آمين" دي اسمها ربا